Urdu Shayari - Dard - E - Dil Shayari

Zakhm dil ka kise dikhyen hum
Dosti kiski aajmayen hum

Zabt karne ki dal len aadat
Ghar ki deewar kya uthayen hum

Maslahat ka yahi takaja hai
Jo wo kahte hain maan jaayen hum

Berukhi humse ho nahi saktee
Bhool jayen teri khatayen hum

lab pe rakhkar hansi dikhawe ki
Dard-e-dil kab talak chupayen hum

Tod dete hain ghar ke log ise
Khwab palkon pe kya sajayen hum.