Urdu Ghazal - Urdu Romantic Ghazal - Urdu Romantic Shayari

Zindagani ki hakikat ko batane wala
Koi mil jae mujhe aks dikhane wala

Chauk jata hai hatheli ko meri dekh ke kyun
Sabke hatho ki lakiro ko batane wala

kudrati khel ka nayab namoona ye hai
Rotaa rahta hai sada sabko hasane wala

Mere dushman too mujhe maar magar pehle hi
Ja use mar jo hai mujhko bachane wala

Ab iradoo ki mai kasti ko bachaoo kaise
Loot letaa hai mujhe nav chalane wala

Kis tarah mulk ki tasveer savar payegi
Rahnuma ho gaya dange ko karane wala

Mai usooloo pe sada chalte rahooga 'shahid'
Koi mil jae mujhe rah dikhane wala.